منتدى الحرير


 
الرئيسيةس .و .جالتسجيلدخول

شاطر | 
 

 اهداء لطلبة طب

اذهب الى الأسفل 
كاتب الموضوعرسالة
Admin
مدير عام المنتدى
مدير عام المنتدى
avatar

ذكر عدد الرسائل : 117
العمر : 31
العمل/الترفيه : طالب هندسة
تاريخ التسجيل : 27/06/2008

مُساهمةموضوع: اهداء لطلبة طب   الجمعة يوليو 18, 2008 2:00 pm

نسي الفوطه

وناس واقفه بتتريأ ومبسوطه

وناس تانيه بتستغرب ومنقوطه ليه الدكتور نسي الفوطه

و هو يا عيني كان واقف ووشه أحمر ولا القوطه

و قال ياجــــــــماعه سامحوني ....وقبل ما تيـــــــجوا تلوموني
تعالــــــوا أحكيلكوا أنا حكايتي..... وبعديها إبقوا حـــــــاكموني

سنــــين فــــاتت في ثانــــــويه..... كفاح دامي وعــرق ودموع
وبعد المعركـــــــــه الحــــاميه..... قدرت أنجح وأجيب مجموع

أخيراً حلمنـــــــــــــــــا إتحقق .....هخش الطــــــــب وأدّكــــتر
رســـــــــــاله جميله ومعـــاها...... مقام عالي وفلوس أكـــــــتر

و جاتلي بطاقة الترشيـــــــــح...... فيها الطب اللي بحــــــلم بيه
بتاع البوسته جابهــــــــــــالي ......وخدله حلاوه عشــــرة جنيه

في أول يوم لـــــــــبست جديد ......وشلت البالطو رحـت لاقيت
زمايلي إتحــشروا في مــدرج...... عامل ولا عــــــلبة الكبريت

ولكــن برضه مايئستش

دخل دكتور قعد يشــــــــــرح .......كلام كــــان صعب ولاتيني
و أنا متنـــح ومـــش فــــــاهم ......لاقيت النــــــــوم غلب عيني

و لسّه أنا برضه مايئستش

و قلت مادام ضــــاع النظري...... هظبّــــــــط نفسي في العملي
جريت عـ المشـــرحه بسرعه...... لكن كالـــــــــعاده خاب أملي

دخلـــــت لاقـــيت 200واحد....... بيتخــــــــانقم على الجــــــثه
وناس واقـــــــــفه من الزحمه ......على كتافـي ومـــــــش حاسه

و لسّه أنا برضه مايئستش

و طبــــــعاً حسّوا بظــــروفنا .......وحطّولنا إمتــــــحان فوازيــر
وكل أمّا آجي أحــل ســـــؤال....... أقف أدامــــــه زي الــــــزير

و لسّه أنا برضه مايئستش

وجينا في لجنة الشـــــــــفوي....... وكان أدّامي واد كــــــــــوسه
خد الfull mark مـ الدكتور....... وخد فوقهـــــــم كــمان بوسه

و لسّه أنا برضه مايئستش

دخلت انا قام مكـــــــــــشرلي .......كإن أنــــــا مش human race
سألني سؤال... مـــــاردّيتشي........وقاللي أخرج يا hopless case

ولسه أنا برضه ما يئستش

سنه بتمشــي وســــنه بتيجي ........مقـــالـــب بعـــدها مقــــــالب
زمايلي إتعينوا و قبـــــــضوا .......و أنا شايـــــل لـــــــقب طالب

و لسّه أنا برضه مايئستش

كبـــــــرنا شـــويه وقــــالولنا....... خلاص دلوقتي شوفوا حالات
و رحنـــــــا نشوف وكالعاده........ دا كله بيطلع إشتــــــــــغالات

و لسّه أنا برضه مايئستش

بشوف الشاب من ســــــــني........ واقـــــــــف ويّا الصحاب مرتاح
و لــــو عديـــــت أنا يقولــوا........ راح الدحّـــاح .....جه الدحّاح

و لسّه أنا برضه مايئستش

لحد ماخلصم السبــــــــــــعه ........وقلت خلاص هروق وهعيش
و قبل ما أفوق من الصــدمه........ خدوني عشان أخـــش الجيش

و لسّه أنا برضه مايئستش

وقعت هناك في إيــــد ظابط ........ظغرلي وقال يا بســـــــــكوته
أحب أبـــــــــــشرك إنــــــك ........معـــــــايا هتطـــــــفح الكوته

و لسّه أنا برضه مايئستش

خلااااص السبعه بقوا عشرة........ ولسه أنا ماشي جنــب الخيط
و بان السن علــــــــى وشي ........و شعري إبيـــّض و إصلعيت

و لسّه أنا برضه مايئستش

وبعد ما قـــــلت كــــــــفاره ........خلاص هرتاحلى بقى كام يوم
لاقيتهم تـــــــــانــي واخدنّي .......عشان تكليـــــــــفي في السلوم

و لسّه أنا برضه مايئستش

و قلت هنـــاك هآخد قرشين........ آكل منهم و أجيـــــــــب لبسي
فوجئـــــــت يا عيني بمرتب .......يادوب مايقضــــــنيش شيبسي

و لسّه أنا برضه مايئستش

و بعد الـــعمر دا كـــــــــــله .......رمــــــوني في وحـــده صحية
نسيت الطب أنا فيـــــــــــها ........وبقــــــــيت زي التمــــــرجيه

و لسّه أنا برضه مايئستش

و آديني بعيش وهعمل أيـه؟؟........ ماليــــــــش ولا قوه ولا حولا
وحيد غلبان وحتى مافـــيش ........جـــــواز علـــى نفــــقة الدوله

و لسّه أنا برضه مايئستش

قام الدكتور صعب عـ الناس....... و فــــــضلم يـــبكوا على حاله
و حتى الفوطة نســــــــيوها........ ولموا فلــــــــــوس وسابوهاله

و قال دكتورنا عـ الفوطــــه........ تعــــــالوا هشـــــيلها أنا بكرة
لكن اهل المريض قالــــــوا........ خلاص........ سيبهالنا للذكرى

_________________


(وَمَنْ أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحاً وَقَالَ إِنَّنِي مِنَ المُسْلِمِينَ )

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hareer.yoo7.com
docmamado
عضو منستغناش عنه
عضو منستغناش عنه
avatar

ذكر عدد الرسائل : 78
العمر : 33
تاريخ التسجيل : 28/06/2008

مُساهمةموضوع: رد: اهداء لطلبة طب   الثلاثاء يوليو 22, 2008 2:02 pm

قام الدكتور صعب عـ الناس....... و فــــــضلم يـــبكوا على حاله
و حتى الفوطة نســــــــيوها........ ولموا فلــــــــــوس وسابوهاله


كده يا ادمن تخلي الناس تعيط .. بس ايه موضوع الفلوس دي انا ماشوفتش حاجة منها خااااااااااااااااالص

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سندريلا
عضو منستغناش عنه
عضو منستغناش عنه
avatar

انثى عدد الرسائل : 34
العمر : 36
تاريخ التسجيل : 28/06/2008

مُساهمةموضوع: رد: اهداء لطلبة طب   الخميس يوليو 24, 2008 2:35 pm

يا عينى كل دة بيحصل لطلبة طب Crying or Very sad Crying or Very sad Crying or Very sad دول غلابة أوى Crying or Very sad Crying or Very sad Crying or Very sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مسلمة لسه صغننة
شخصيات مهمة جدا
شخصيات مهمة جدا
avatar

انثى عدد الرسائل : 128
العمر : 23
المزاج : لعبية بحب اللعب
تاريخ التسجيل : 15/07/2008

مُساهمةموضوع: رد: اهداء لطلبة طب   الجمعة يوليو 25, 2008 10:21 am

فعلااااااا ربنا يكون في عونهم ....دول بيتبهدلو خاالص....الزجل رووعة Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اهداء لطلبة طب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الحرير :: استراحة الحرير :: اضحك من قلبك-
انتقل الى: