روش؟ يعني ايه روش ؟

كام واحد من صحابي الغتتين سألوني السؤال ده
يعني ايه روش ؟ وازاي اروش؟

زمان اللي هو مش بعيد اوي يعني كان عشان تبقي روش طحن يبقي لازم تشيل موبيل ..
بس مع التطور الطبيعي للحاجه الساقعه بقي عشان تبقي روش طحن جدا
يبقي لازم I-Mate بتاعك في جيبك ..

اما دلوقتي مع التطور السريع في كل حاجه بقي عشان تبقي روش طحن جدا جدا
يبقي لازم تضرب جيل وتسقط البنطلون وتبقي من هوات التعارف علي المزز

طب ينفع الكلام ده برضه؟

الحكايه اسهل من شكه الكلاشينكوف .. ومش محتاجه عبقريه فذه ولا افتكسات
ادخل وقول رايك في مصطلح (الروشنه )
وزي ما بيقولو اخواتنا في مدغشقر ( اختلاف الراي لا يفسد في الود قضيه )

سلاموووز

هههههههههه

مواضيعك مميز والله ياجان

بص ياعم

الروش دلوقى هو اول واحد يقلد مغنى فى لبسه

يعنى مثلا عمرو دياب عمل كليب ليه لابس ايس كاب الروش هو اللى يلبس ايس كاب

بعد كدة لما الايس كاب ينتشر الروش هو اللى ميلبسهوش وهكذا يعنى

ومن الآخر الشعب المصرى كله روش طحن وكول

شعب مخلص من الآخر

شكرا على الفكرة الجديدة دى
وأنا شايفة ان الروشنة دلوقتى هى انك تكون مختلف عن كل الناس حتى لو لبست بيجامة وشبشب بصوبع و ناكش شعرك (عامله سبايسى) وقمت رايح الكلية زى ما أنت كدة تبقى كدة روش طحن .

بجد موضوع روش طحن ..قصدي موضوع جامد جدا ومتميز زي ما عودتنا دايما

انا رأيي ان الشاب الروش دلوقتي هو الشاب اللي مش عاجبه اي حد ولا اي حاجة ومش بياخد اي موضوع جد يعني من الاخر شاب لا يعتمد عليه