jan البيه المشرف العام
عدد الرسائل : 42 العمر : 33 المزاج : Cool تاريخ التسجيل : 01/07/2008
| موضوع: في بيتنا .. نمل :) الأحد أغسطس 03, 2008 3:37 am | |
|
مشكله يعاني منها كل بيت في الحرير
النمل ..
النملة,, حشرة تثير فضولك لتراقبها,, لنشاطها الخيالي وحركتها الدءوبة التي لا تتوقف
ولا دقيقة ولا هفوة ولا فسوة من فسوات الـ 24 ساعة
النملة ,, تلك الحشرة الصغيرة التي تجعلك رغم صغر حجمها تلف وتدور حوالين نفسك
فهي تملك فطنة وذكاء ودهاء ومكر لن تقابلهم في أي حشرة أخرى
نمل زمان ونمل دلوقتي ,,, طبعاً في اختلاف فظيع شنيع مريع بين نمل زمان ودلوقتي
فبتطور التكنولوجيا وقيام الثورة الصناعية طرأت تطورات عديدة في حياة النمل
ونزلـّـهم أوبـشـنـات كتيرة أوي تفيدهم في حياتهم العملية والدفاع عن أنفسهم بطرق
لا تخطر لك على بال
زمان ,, كنا نلاقي النمل على السكر أو بـيلـِـم الفتافيت
دلوقتي ,, النمل على السكر و ف كيس العيش وفي الجبنة وع البطيخ وعلى اللبن
وفي المخلل وعلى الزبيب و ف كيس اللب وف طبق الرز بلبن وفي الشاي الناشف
وف أي وكل حتة تتخيلها او ماتتخيلهاش ولا تخطر على بالك
مابقاش في حاجة اسمها النمل بـيـيـجي ع الحاجات المسكرة بس,, لا دلوقتي مسكر و مملح
زمان,, كنا نرمي شوية ميا على النمل الموضوع ينتهي
دلوقتي,, النمل يتمتع بقدرة فائقة على العوم والسباحة بمهارة والتنقل بين أمواج
الصابون السائل حتى الوصول إلى بر الأمان والاستمرار في عمله الشاق عادي جداً
زمان,, النمل كان يعمل بجـِـد في الصيف لتخزين الطعام لموسم الشتاء
دلوقتي,, يعمل النمل بجـِـد في الصيف للوصول لرقم قياسي في إصابة البني آدمين بالشلل
الرباعي بجانب طبعاً التخزين لموسم الشتاء
موقف وسؤال,, جـيـبت باكو بسكويت من احمد بوادي وحطيته على المكتب وروحت عملت كوباية شاي
وجيت لاقيت البسكويت كله مليان نمل من جوا ومن برا
السؤال اللي حايجنني هنا بقى: النمل عرف ازاي ان ده بسكويت مع انه مقفول لسه ومش واقع منه فتافيت؟؟
-أنواع النمل: نمل كبير -الحمد لله مش بشوفه في بيتنا
ونمل صغير سريع جدا بشوفه دايما بيعمل سباق على السيراميك مع صحابه لمجرد الرياضة عمري ماشوفته على أكل
ونمل صغير وهو ده اللي مبهدلني ومطير النوم من عيني
يا نمل: انتوا محتاجين توعيه ببرامج تنظيم والأسرة وتحديد النسل
يا نمل: انتوا سبب مهم جدا من أسباب كرهي للصيف
يا نمل: نفسي اعرف اللغة بتاعتك علشان اكلمك
"يا نمل: .......... حقول ايه بس
| |
|
دمعة خشوع شخصيات مهمة جدا
عدد الرسائل : 99 العمر : 30 المزاج : تماااااااااااااام ...والحمد لله تاريخ التسجيل : 20/07/2008
| موضوع: رد: في بيتنا .. نمل :) الأحد أغسطس 03, 2008 2:47 pm | |
| هههههههههه فعلا دي مشكلة صعبة جدا ومنتشرة جدا في الحرير وانا اكتر حاجة بكرها في حياتي هي النمل | |
|
Admin مدير عام المنتدى
عدد الرسائل : 117 العمر : 37 العمل/الترفيه : طالب هندسة تاريخ التسجيل : 27/06/2008
| موضوع: رد: في بيتنا .. نمل :) الأربعاء أغسطس 06, 2008 1:57 pm | |
| ههههههههههههههههههه والله انت زى العسل جرب انت بس الحركة المشهورة بتاعت السكر والنشادر والرخامة وانت مش هتشوف النمل تانى | |
|