الفول بيقول
انا لك علي طول
بس انت تقول
انا عايز فول
تلاقيه في العز
وفي الازمات
من غير طوابير
ومن غير خناقات
من غير دنانير
من غير دولارات
وعيالك وانت وكله يبات
متهني وراضي بنين وبنات
بس انت تقول انا عاز فول
والفول بيقول:
الفول ده صديق
الفول ده جرئ
وبيفتح جوه المعدة طريق
ويهد قلوع جوه المفجوع
ويسد الجوع يمكن اسبوع
ويعدي ولو في 200 مشروع
بس انت تفكر في الموضوع
وبسرعه تقول انا عاوز فول
والفول بيقول:
من غيري يا صاحبي هتعمل ايه؟
حتقول لي انا هفطر شاي وباتيه
واتغدي كباب واتعشي فليه
ده الفول يستاهل حمد عليه
ادعيله يا شيخ ربي يخليه
**كتب هذا الشعر قبل زيادة اسعار الفول.