حتى ابليس زهق من مصر وهيسافر

علي باب سفارة كندا ..

لمحت إبليس وف إيده إستمارة ..

بقول له علي فين ..

قاللي بص ..

يا هجرة يا إعارة ..

يا عم زهقت كفرت ..

أنا انتهيت خلاص ..

لا نافع وسواس ولا خناس ..

ولا ليا عيش وسط الناس ..

دي عالم مجرمين ..

عندكو فائض ف الفساد

في كل البلاد ..

ومش محتاجين شياطين ..

مليش عيش ف البلد دي

بقالي سنين عاطل ..

وانتو بتعرفوا

تقلبوا الحق باطل ..

وتمشوا ف جنازة القتيل ..

وتسلكوا القاتل ..

ومفيش مشاكل ..

ياعم ده أنا بقيت أوسوس بالمقلوب ..

وأقول للحرامي كفاية بقي ..

إنت مش هاتوب ..

يعني إنت هاتعمل كل الذنوب لوحدك ..

وأنا إبليس ..

أشتغل واعظ

ولا كمساري ف أتوبيس ..

ياعم ده أنا زمان ..

كنت أستني حد ينسي يسمي

وهو بياكل لقمته ..

دلوقتي كل أكلكم ملوث

وبصراحة الواحد خايف علي صحته ..

ده مفيش ضمير أساسا ..

عشان أموته ..

وكل واحد بمزاجه ..

خربانه ذمته ..

يا راجل ده من كتر ما لطشت معايا ..

خرجت ف مظاهرة ..

مع الناس اللي بتقول كفايه ..

وبرضة مفيش فايدة ..

ههههههههههه ياربي حتي ابليس كمان .. بيعاني من البطاله .. هههههههههه .. عنده حق ماهو في مصر بقا .. يروح كندا بقا اهو يشوف شغل هناك ويغير جو بدل جو التلوث اللي كان عايشه في مصر ..

الله ينور بجد موضوع عجبني .. بس كنت اتمني الحاجات اللي بيقول عليه ابليس ماتبقاش في مصر ... بس يلا .. نعمل ايه .. لعله خير

يااااااااه ....هي مصر وحشة للدرجة دي farao

.....اااااااااه أكيد ماجاش الحرير ...لو كان جه كان زمانه عجبه الجو وخصوصًا دخان الشركة ...هوا نقي للغاية
والزرع والميا الجمييييييييييييلة

والشوارع النضيفة flower

ربنا يبعده عننا
خليه في كندا أحسن Very Happy