حوار مع حامي مصر المنتظر(الفاتح)

بسم الله الرحمن الرحيم
قبل ما ابدا الاجابه احب اعبر عن مدى فرحتى انى اول واحد يحصل معاه الحوار ده والشكر للى عمل الحوار ومن قبله اللى فكر فى المنتدى ورغم ان الاسئله هتبين هويتى الا انى هجاوب بكل صراحه
الكلية اللي اتخرجت منها كليه العلوم جامعه اسكندريه

أكتر مادة كنت بحبها الكربوهيدرات


مثلى الاعلىهوه سيدنا محمد الفاتح

أكتر مدرس أو دكتور أثر فيا هيه د صفاء مدرسه علم الحيوان بس مش اولى اصل بصراحه المدرسين القدوه اصبحو قليلين للاسف
اجابه دبلوماسيه)بصراحه بما ان المنتدى لسه جديد والاعضاء مش كتير بس كل الناس الى موجوده قدمت مواضيع حلوة)
بصراحه انا بستنى كل الناس تقرا موضوعاتى وترد عليها مش حد بعينه
-اما بالنسبه للقوات المسلحه فهيااكيد طبعا محتاجه ناس اكفاء وعلى درايه واسعه بخبايا الامور ومن الاخر ناس مخلصه من كله علشان كده بعتولى جواب ترجى لللالتحاق بالقوات المسلحه وطبعا كله بشروطى
اكتر واحد هيوحشنى وانا فى الجيش هوة اختى طبعا بالاضافه الى رخامه الناس الرخمه وحلاوة الناس الحلوه ورزاله الناس -الرزله وخيابه الناس الخايبه كل دول هيوحشونى والله وكل واحد ادرى بنفسه اما من النتدى فطبعا مش رد دبلوماسى ولاحاجه بس والله كلكم مش هتوحشونى
علشان انا معرفش كل الناس فى النتدى الناس اللى اعرفها بس هيه الى هتوحشنى (فيه اكتر من كد صراحه(
-اول حاجه اتمنى اشوفها اول ما اجى الحرير هوة واحد صاحبى هو عارف نفسه نفسى انه يخلص الكليه
-وانا فى الجيش الحاجه اللى نفسى انها تتغير هيه البلطجه اللى انتشرت اوى اليومين دول وترجع للناس القيم بتاعتها ويبقى
الراجل من تانى يتربط من كلمه واحده قالها من لسانه
- القائد العسكرى اللى نفسى ابقى زيه هوه محمد الفاتح وسيدنا خالد بن الوليد والقعقاع بن عمر الى قال عنه النبى لا يهزم جيش فيه القعقاع
-لو فيه حرب تانيه نفسى فيروز اللى تغنى
اما بالنسبه للفتره اللى هقضيها فى الجيش وازاى استفيه منها فده سوال لسه كنت بسال نفسى انهاردا انا مرجعتش اللى انا حفظه- من القران من 3 سنين ان شاء الله هراجع واكيد هستفيد من معامله ناس جداد
لو بقيت رئيس للجمهوريه لمده ساعه اول حاجه هعمله هيه محكمه عسكريه لكل فرد فى الحزب الوطنى واخلى القاضى هوه الشعب اما حسنى مبارك فاللى يحاكمه همه الناس اللى ظلمهم ودخلهم السجن و هعمل قانون صارم للبلطجه والغى اتفاقيه الغاز المصرى لاسرائيل

بجد كنتم ضيوف دمكم خفيف
شكرا

كل ده يا ادمين ومش متال عليا ياخى عيب عليك طيب لو مش علشانى يبقى علشان المناسبه الحلوه اللى عندك
على العموم انا هكبسك وارد على جميع الاسئله وزى ما اتفقنا بصراحه تامه
رايى فى المنتدى انه لسه نونو بس ان شاء الله هنقعد ناكل فيه لحد ما يكبر ويخطى العتبه
اما رايى فى مستقبل مصر فده سوال صعب اوى لان الواقع ميدش اى امل بس التاريخ بيقول ان مصر بقالها7000سنه حكامها بيسرقوها ولسه فيها خير وده الحاجه اللى مصبره الواحد
والله ياجماعه الواحد لومكنش مصرى مش عارف كان ايه اللى جرى بس انا بجد بحب بلدى اوى ومش نفشى انى اطلع منها واللى بيجرى فيها ده سببه ظام الحكم الفاشل احنا يا جماعه احتلال مصرى او بمعنى اخر احتلال حزن وطنى
لو كان الضعف رجلا لقتليه
والله كله على حسب حلمه ان مثلا مش نفسى انى اكون رئيس ابدا وبعدين دى مسئوليه امام الله